Uttar Pradesh mi, Class 11 zirlai, kum 17-a upa, mi kap hliamtu hi Arms Act hnuaiah thubuai awrhtir a ni a, police te sawi danin he pa hian CAA dodala lungawi lohna lantirtute chu kah a tum hrim hrim vangin silai hi tunkar tir khan a lei a, Jewar-a an chenna in chu mi a kah hliam ni hian a chhuahsan a, an chenna hi Delhi a\anga km 68 vela hlaa awm a ni a, nitina a tihdan phung pangngai anga school kal tura chhuak angin a chhungte bulah a insawi a. Delhi bus-ah a chuang a ni. Delhi a thlen hnu chawhnu herah JMI University hi a pan a, dar 1:40 vel khan mipui punkhawm tamna laiah a silai chu phawrhin a hmet puak nghal a, mass communication 1st year zirlai, Shadab Farooq chu a kap hliam a ni.
