Nobel Peace Prize dawngtu, Malala Yousafzai-in Oxford University-ah lehkha zir zawm dawn

0
2938
views

Pakistan nula, Nobel Peace Prize dawng tawh, Malala Yousafzai chuan Oxford University-ah lehkha a zir chhunzawm dawn a, philosophy, politics leh economics a zir dawn a ni. March thla khan Malala hian heng subject-te a zir phalsak a nih thu, UK University pakhat atangin a dawng niin a sawi a, mahse A level-ah heng subject-ah hian a tihthat a tul tur thu hrilh nghal a ni. Malala hi hmeichhiate lehkha zirna a sawi mawi avangin kum 2012 khan Taliban mi firfiakten kah hlum tumin an bei a, na taka an kah hliam hnuah UK-ah enkawl zui a ni a, kum 2014 khan, kum 17 mi chauh a nih laiin Nobel Peace Prize dawngtu naupang ber a ni a, kumin April thla khan UN Muanna thuchah kengtu, palai naupang ber a ni leh bawk. Khawvela University tha leh hmingthang ber pakhat, Oxford University atanga zir chhuakte zingah hian Pakistan PM hlui, Benazir Bhutto, Myanmar-a mipui sorkar siam a nih theih nana beitu, Aung San Suu Kyi, British PM hlui, David Cameron leh Labour party hruaitu, Ed Miliband te pawh an tel a ni.