Nobel Prize dawng turin mi thiam pathum thlan an ni

0
343
views

Kumina damdawi lama chawimawina sang, Nobel Prize dawng turin mi thiam pathum – Jeffrey C Hall, Michael Rosbash leh Michael W Young thlan an ni a, United States mi vek an ni. Jeffrey Hall hi University of Maine-a thawk lai a ni a, Rosbash-a hi Brandeis University-a thawk a ni thung a, Michael Young hi Rockefeller University, New York-a thawk a ni.

Vawiin khan kumina Physics-a Nobel prize dawng turte pawh puan an ni a, hei pawh hi US scientist pathumin an dawng dawn a, gravitational wave an tih an zir chianna avanga he chawimawina dawng tura thlan an ni. Heng mi thiam pathum hi Rainer Weiss, Kip Thorne leh Barry Barish an ni a, he chawimawina sang ken tel tangkafai, dollar 8,31,000-ah hian an thil hmuh chhuah bul tumtu deuh ber, Prof Weiss hian a zatve a chang ang a, a zatve dang chu Kip Thorne leh Barry Barish hian an insem ang. Gravitational wave an tih hi Albert Einstein-a pawh khan a lo sawi tawh a, a kutchhuak, General Theory of Relativity innghahna pakhat a ni. Physics-a chawimawina sang dawng turte hi Ligo-Virgo observatories-a mi vek an ni a, kum 1901 a\ang khan Physics-a Nobel prize hi mi thiam 204-in an dawng tawh a ni.