North Cachar Hill Indigenous People Forum ten Assam-a Dima Hasao district \hen hranga, autonomous council neih an phut vangin Dima Hasao-ah tiam chin awm lovin bandh an huaihawt a, tharum thawha buaina a chhuak a ni.

Bandh huaihawt thlawptute leh Police te inkarah innawr buaina a chhuah vangin mi 5 an hliam a, police te chuan mittui tlakna hlo hmangin mipuite chu hnawhdarh an tum a ni.

Police te sawi danin bandh an huaihawtna hmun hi punkhawm khapna hmun a ni a, mipui hnawhdarh tuma an thawh chhuah veleh mipuite hian lirthei an hal a, police motor te pawh lungin an vawm niin an sawi.

He buaina chhuak vang hian district hqrs. Haflong-ah chuan zirna in zawng zawng te, sumdawnna hmun te, sorkar pisa leh bank te chu khar vek a ni.