North Korea hruaitu Kim Jong-un an China zin mi 32 zet, leh North Korea mi 4, an chuanna bus chetsual avanga an thi chu pawi a tih thu a sawi

North Korea hruaitu Kim Jong-un an China zin mi 32 zet, leh North Korea mi 4, an chuanna bus chetsual avanga an thi chu pawi a tih thu a sawi. Chetsualna hi Pathianni zan khan North Hwanghae Provice-a thleng a ni a, Bus hian lei pakhat a zawh sual a ni. North Korea media te hian chhiatna thleng chanchin lam an tarlang khat hle a, Kim Jong-un a’n hetiang thil thleng-a aw a nei phei hi chu thil thleng ngai lo a ni. KCNA News Agency in a sawi danin he thil thleng hi Kim Jong-un hian pawi a tiin, a rilru a ti pik tak zet tih a sawi a ni. Kim Jong-un a’n hliam tuar, damdawiin-a enkawl mekte a tlawh lai thlalak pawh tih chhuah a ni a, Doctor ten enkawlna an pek dan te pawh a enpui tih tarlan a ni. Chinece Embassy pawh Kim Jong-un hian a tlawh a, Chinese ambassador Li Jinjun chu hmuin vanduaina tawk chhungte a tawrhpui thu a hrilh bawk a ni.