North Korea in nuclear ralthuam a kalpui chhoh zel dan tur ram pahnih hotute an inhmuh hunah sawiho a intiam tih US in a sawi

0
365
views

North Korea in nuclear ralthuam a kalpui chhoh zel dan tur ram pahnih hotute an inhmuh hunah sawiho a intiam tih US in a sawi. Trump-a sorkara thuneitu pawimawh pakhatin a sawi danin, ram pahnih hotute hi hmai chhanah a ruka inbe turin ruahmanna siam a ni a, US leh North Korea Intelligence hotute chu \um tam tak an inbe tawh a ni. Inbiakna hi May thla chhova neih a nih rin a ni a, tih hlawhtlin a nih chuan US President nilaiin North Korea ram hruaitu a biak vawi khatna a ni ang. North Korea hian nuclear ralthuam tih tawp chungchang pawh sawi a inpeih tih South Korea ram hnenah a lo sawi tawh a. Tun tumah hian US hnenah pawh nuclear ralthuam chungchang sawi a inpeih thu hi a hrilh ve leh ta a ni. Ram pahnih hotu lute in hmuh hun tur leh a hmun tur hi tih chian a la ni lo thung a, US President Donald Trump leh North Korea hotu Kim Jong-un ten inbiak an tum thu hian khawvel ngaihven a hlawh hle a ni.