North leh South Korea te chuan an ramri, a tawn tawna an sipaiten an ven ngawrh em em hmuna aurinna an dah ve ve te an sut tan

0
349
views

North leh South Korea te chuan an ramri, a tawn tawna an sipaiten an ven ngawrh em em hmuna aurinna an dah ve ve te an sut \an ta. Hei hi ram pahnih hruaitute inbiakna rah chhuah a nih thu South Korea Defence Ministry chuan a sawi. Hetihlai hian South Korea President Moon chuan North Korea in nuclear ralthuam tih tawp a tum thu a puan a bawhzui zel dan enfiah turin UN ah ngenna a thlen a, Moon hian telephone hmangin UN secretary General Antonio Guterres a bia a, Guterres chuan a ngenna hi UN Security Council in a ngaihtuah ve phat a \ul tur thu a lo hrilh a, Korea ram pahnih ten inremna an neih theihna tur hian UN palai a bika ruat a nih tur thu a lo hrilh bawk a ni. Zirtawpni-a South Korea President Moon Jae-in leh North Korea President Kim Jong-un te an inbiak hma lawk khan Kim Jong-un hian nuclear ralthuam a enchhinna te chu a tih chhiat vek tur thu a puang a, hei hian khawvel mak tih a hlawh hle a ni.