Odisha-a BJP hotu Manguli Jena chu an party candidate pakhat chenna in pawnah kah hlum a ni.

0
166
views

Manguli Jena hi Khurda zone-9-a BJP president a ni a, Pathianni zan-a an party candidate Kalu Charan Khandayat a in bula BJP worker te nen thil an sawiho laiin mi tu tih hriat loin Manguli Jena hi silaiin an rawn kap a, hmun 2-ah an kapfuh a, damdawi ina hruai thlen anih chuan doctor te’n a thi hman tawh tih an sawi. Police te chuan khawchhung hi kal pawh theih lova siam nghalin thil thlen dan hi an chhui nghal a, pawikhawihtute zawngin Khurda hmun hrang hrang an dap mek a ni.

BJP district unit chuan he tualthahna venga an lungawi loh thu lantirin Khurda khuaah hian zing dar 8 a\angin chhun dar 2 thleng bandh an huaihawt a, Odisha Chief Minister Naveen Patnaik chuan he tualthahna hi a dem thu leh thi chhungte a tawrhpui thu sawiin police te’n pawikhawihtute te na taka an hrem theih nan Election Commission chu hma la turin a phut a ni.

Bhubabeswar bial-a awm, Khurda-ah hian April ni 23 khian inthlanna neih a ni dawn a ni.