Bhubhaneshwar Exhibition Ground-ah Naveen Patnaik chu Odisha CM nihna chelh turin rinawmna thu tiamtira lakluh a ni a, a rual hian minister 20 chu rinawmna thu tiamtira lakluh an ni bawk a, Odisha larsap Prof Ganeeshi Lal chuan lakluh inkhawm hi a kaihruai a ni. Patnaik hian a zawnin \um li Odisha CM atan ruat a lo ni tawh a, tun hi a term 5-na a ni dawn a ni. Council of ministers-ah hian cabinet minister 11 leh state minister 9 an awm a, lakluh inkhawm hi industry lama hruaitute, Self-Help Group-a hmeichhe hotute leh party worker te’n an chhim a ni.
Arunachal Pradesh khawpui Itanagar-ah pawh Dorjee Khandu state convention hall-ah state larsap Dr BD Mishra chuan state BJP hotu Pema Khandu leh a minister te chu rinawmna thu tiam tirin a la lut a, Khandu hian Arunachal Pradesh chief minister nihna term 2 a chelhna a ni dawn a ni. Arunachal Pradesh Assembly inthlan hnuhnung berah khan seat 60 awmah BJP chuan seat 41 an la a, tun sorkar hi BJP hlang sorkar an siam vawikhatna tur a ni.
