Sara Abdullah Pilot chuan a unaupa an hrenna chu ram danpui hnuaia zalen taka thusawi theihna danin a pek bawhchhiatna leh Politics-a hmelmate hupbeh tumna a ni a ti.
Omar Abdullah hi nikum August ni 5 a\ang khan pawn chhuak thei lovin thla 6 chhung hren tur tih a ni a, tun thla ni 5 khan an hren theih hun chhung chu a tawp a, amaherawhchu, sorkarin Public Safety Act hmangin a hreng chhunzawm zel a ni. Omar rual hian chief minister hlui Mehbooba Mufti pawh PSA hnuaia hren chhunzawm zingah a la tel a ni. PSA hnuaia hren theih hun chhung chu thla thum a ni a, thil awmdan a zirin kum khat chhung pawh a pawhsei theih bawk.
Sorkar laipuiin Jammu & Kashmir dinhmun tidanglam a, UT-a a \hen vang khan sorkar chetdan tibuai theia eptu pawlte an awm loh nan leh innghirnghona a chhuah loh nan mi engemawzat pawn chhuak thei lova hren an ni a, heng mite zinga \henkhat chu zalen leh tawh mahse a tam zawkte erawh hren zel an la ni.
