Pakistan-a Baluchistan province-a bomb puakah sipai 8 thi

0
458
views

Pakistan ram chhim thlang lama Baluchistan province-a bomb tihpuah a nih avangin sipai 8 an thi. Pakistan sorkar hotute sawi danin, Balochistan province-a Harnai district-ah Thawhtan zan, zanlai pelhah khan kawng sira kam, bomb hmangin sipaite hi beih an ni a, Harnai district hi province khawpui, Quetta chhak lam atanga km 160 vela hlaa awm a ni a, puan tawh angin, Inrinni zan khan bike-a chuang mi firfiak pakhatin Quetta-ah hian thih chilh bomb a tipuak a, sipai 8 leh civil mi 7 an thi a ni. He province-a hel pawl lian, Baloch Liberation Army chuan Harnai-a pawi khawihna hi an tih niin an chhal a, Islamic State mi firfiakte chuan Quetta-a thih chilh bomb tipuaktu hi an pawl mi niin an sawi bawk a, Pakistan sipai hotu, General Qamar Bajwa-a chuan pawi khawihna hi Thawhtanni-a Pakistan ram zalenna champha vawi 70-na lawmna tihbuai tumna niin a sawi.