Thawh\anni khan Peshawar-a mosque \henkhatah he vaccine hian naupangte a ti dam lo a ni tiin thudik lo an puang a, nu leh pate an ti mangang hle a, polio hri dotute beih an ni ta a, tun kar chhung khan Pakistan-ah 4 thah an ni tawh a ni.
World Health Organization chuan Pakistan, Afghanistan leh Nigeria tih lohah chuan polio hri hi nuai bo a ni tawh a, kum 2017 khan polio hri vei 22 chauh report dawn a ni tih an sawi a, amaherawhchu, polio vei naupang pakhat lekin he natna hi ramdangah pawh a thehdarh theih avangin a hlauhawm thu an sawi a ni.
Pakistan sorkar chuan campaign leh Muslim sakhua hruaitute hmangin vaccine hian an fate a venhim tur thu puang mahse mipuite chuan an la ringhlel fo a ni.
