Pakistan Court-a Islam sakhua tihbawrhban chungchang thubuaia thiam chantir, Christian hmeichhia, Asia Bibi ukil, Saif-ul-Mulook chuan an ram a chhuahsan .

0
717
views

 

Puan tawh angin Mulook hian athubuaia hnehna an chan vangin a nunna a derthawng hle niin a lo sawi tawh a, venhimna emaw inhumhimna tur ruahmanna engmah a neih loh avangin tupawhin an that thei reng niin a lo sawi tawh bawk a ni. Kum 62 mi Mulook hian vawiin khan thlawhna-in Europe a pan a, tun dinhmunah a tan Pakistana khawsak a rem rih loh thu leh Asia Bibi pawhin a la mamawh dawn avangin a dam khawchhuahna atan an ram chu a chhuahsan rih a ngai niin chanchinthar lakhawmtute a hrilh a ni.

Puan tawh angin Islam sakhua tibawrhbangah Asia Bibi hi puh a ni a, a chungchang ngaihtuahtu Pakistan Court chuan Islam sakhua chu dawhtheihna zirtirtu tur a ni tiin thiam a chantir a, hei vang hian Muslim pawl hrang hrang an lungawi lo hle a, a chungchang ngaihtuahtu Chief Justice Saqib Nasir leh roreltu dang pahnih-te pawh nasa taka beih an ni a, thaha vauna te pawh an dawng nasa hle a ni. Asia Bibi thiam chantir a nih vang hian Tehreek-e-Labaik political party chuan nilaini a\ang khan lungawilohna an lantir tawh a ni.