Pakistan-in ramri hung, Afghanistan lungawilo

0
312
views

Pakistan-in Afghanistan ram nena an inrina chu thirlên hmangin a hung \an a, Afghanistan a lungawi lo hle. Puan tawh angin Pakistan hian Afghanistan a\anga an rama mi firfiak luh tum \hinte dan nan, ft 9-a sang thirlên zar a tum thu hi a lo sawi tawh \hin a, tun thleng hian km 43 vel chu thirlên hi a zar tawh nia hriat a ni. Pakistan thiltih dan hi Afghanistan chuan mihring dikna leh chanvo rah behna nia sawiin, Pakistan thiltih avang hian chhungkua leh \hian tam tak an in\hen phah thei dawn niin a sawi. Pakistan leh Afghanistan hian an rama mi firfiakte chhawmdawlna pe \hinah an inpuh tawn a, Pakistan chuan an rama pawi khawih \hin, Taliban mi firfiakte chu Afghanistan ram chhunga hian an awm nia sawiin, ramri kana pawi an khawih hnuah, an tlanchhe leh mai \hin niin a lo sawi tawh \hin a, Afghanistan pawhin, an ram chhunga Taliban mi firfiakte humah Pakistan hi a puh ve bawk a, khawthlang ramte’n an thlawp, Afghan sorkar ding lai bei turin Pakistan hian mi firfiak pawlte hi a fuihpawrh \hin niin a sawi a ni. Ram pahnih hian ramri, km, 2500 vela thui an nei a, Pakistan sipaite chuan ramri hi \hangkhat lian vel kal ta khan hung lo tum tawh mah se, a hautak em avangin an lo \hulh tawh a, tun \umah hian sipai hotute chuan cheng tld. 56 vel sen a \ul an rin thu leh, ramri khawi lai hmun pawh vil reng tawh tura an inpuahchah thu an sawi a ni.