Police thuneitute chuan pawikhawihtute hi mi 4 an nih thu leh checkpoint-a an lo tih din hnuah silai an hmetpuak tih an sawi a, an tlanchhe zui niin an sawi bawk a ni. Balochistan Liberation Army, BLA chuan inbeihna hi an tih a nih thu leh an chhunzawm zel tur thu an sawi a ni. China chuan inbeihna thleng chu an dem thu an chhuah nghal a, an Foreign Ministry thupuangtu, Geng Shuang chuan Consulate-a an hnathawkte an him thu leh Pakistan sorkar-in venhimna \ha tak a pek an beisei thu a sawi a ni. Puan tawh angin China leh Pakistan-te hi tunhnaiah an thawkdun nasa hle a, China hmalakna-in insumdawn tawnna tur kawng thar eng emaw zat an sial mek a, heng kawng an sial tirh a\ang hian mi firfiak pawl hrang hrangin an hnathawhna hmun-te leh hnathawkte an lo bei fo tawh \hin a ni.
