Pakistan lamlian pahnih sakhaw hruaituten dang

0
315
views

Pakistan ramah sakhaw hruaitute kaihhruaiin lamlian lun tak pahnih dan a ni a, sorkarin heng mite hnawt kiang tur hian beihpui thlak tum mah se, darkar 24-a tihkhawtlai a ni. Sorkar hotute chuan t<kin thleng khan heng mite hi insasengna hun a pe a, mahse hun tiam a tawp hnu hian ni khat a pek belh leh a, Tehreek-i-Khatm-i-Nabuwwat, Tehreek-i-Labaik Ya Rasool Allah leh Sunni Tehreek Pakistan mite, an vaiin mi 2,000 velin kawngpui pahnih – Islamabad Expressway leh Murree Road hi chawlhkar hnih vel an dang tawh a, hei hi Islamabad leh \umhmun leh sipai hmunpui, Rawalpindi kal pawhna kawngpui pawimawh ber a ni. Interior Minister, Ahsan Iqbal chuan pung khawmte hi sorkarin muanawm taka \in darh theihna hun \ha hnuhnung ber pek leh a remti tih a sawi a, an duh loh chuan tharum hman a nih tur thu a sawi. Pung khawmte leh sorkar hotute hi an inbia nia hriat a ni a, hei leh chen, kawngpui dan a nih avang hian sorkar pawhin dem a kai hle tawh a, mahse mi firfiakte an inrawlh a hlauh avangin sorkar chu a la inhnuk hniam rih nia ngaih a ni. Islamabad High Court chuan nimin khan Islamabad khawpui thuneitute chu darkar 24 chhunga heng mite hnawt darh tur hian thu a pe a, a \ul dana che turin sipai tam tak chhawp hnaih an ni tawh a ni.