Pakistan PM hlui Nawaz Sharif-a fate pathum leh makpa manna thupek chhuah

0
305
views

Pakistan rama ei ruk leh hlemhletna dotu, anti-corruption court chuan vawiin khan PM hlui, Nawaz Sharif-a fate pathum leh a makpa manna tur thupek a chhuah a, kar lehah Pu Nawaz Sharif-a chu eiruk thubuai a siamsak dawn tih a puang bawk. Court thupuangtu, Mohamed Irfan-a sawi danin, Judge Mohammed Bashir-a chuan Hasan, Husain, Maryam Sharif leh Mohammed Safdar Anwan-te chu court hmaa an inlan loh avangin manna thupek a tichhuak a, an pali hian thla leh ni 2-a court hmaa inlan turin a ti nghal a ni. PM hlui fate pathum leh a makpa hi man an nih chuan cheng 10,00,000-a bail theih an ni dawn nia sawi a ni a, Sharif chhungkaw ukil, Khawaja Haris-a chuan Hasan, Husain leh Maryam Sharif-te hi an nu, hrawk cancer avanga London-a damdawi inah enkawl mek, Pi Kulsoom Sharif-i an awmpui rih avangin court hmaah an inlan thei lo niin a sawi a, London-a a awm vanga tun thla ni 19-a court hmaa inlan thei lo nia sawi, Pu Nawaz Sharif-a chuan vawiin khan court-ah a nupui dam lohna vangin a hman dawn lo nia sawiin, court-a inlan loh phalna a dil a, amaherawhchu Judge Bashir-a chuan court-in thubuai a siamsak dawn avangin inlan ngei a \ul tih a hrilh nia sawi a ni. Puan tawh angin, Sharif chhungkua hi khawvel mi hausa leh thil ti theite sum dinhmun inziahna lehkha, Panama Papers thubuai chhuinaah dik lo taka sum la lut-ah leh a ruka London-a in leh lo neiah puh an ni a, he thubuai avang hian July ni 28 khan Pakistan Supreme Court chuan Pu Nawaz Sharif-a chu PM a nihna a\angin bang turin a ti a ni. Supreme Court thupek bawhzuia National Accountability Bureau-in Pu Sharif-a fate pathum leh a makpa laka thubuai pathum a thehluh hnuah, tun thla ni 15 khan court-a inlan tura koh an ni a, thubuai pathum hi London-a in leh lo, company pathum- Azizia Steel, Hill Metal leh Flagship bakah company dang 15 din chungchang nen a inkungkaih nia sawi a ni.