Pakistan ram inthlanpui result puan a ni a, Tehreek-e-Insaf an sang filawr hle a, an party malin sorkarna erawh an siam thei lo.

0
322
views

Puan tawh angin Tehreek-e-Insaf hi Cricket khel thiam hmingthang, Imran Khan-a awmna party a ni a, an ram politican lian leh langsar tak tak eng emaw zat an hneh a ni. Inthlan result kimchang puanzar a nih hmain, Imran Khan hian Islamabad khawpui-a a thusawina-ah an party in hnehna a chan thu a lo sawi tawh a, a thil tum tihhlawhtlinna hun \ha tak a nei thei dawn ta niin a sawi bawk a ni. Imran Khan hian an ram leh India inkar siam\hat theih a in beisei thu, inthlan hma a\ang khan a lo sawi tawh \hin a ni. Pakistan inthlan hi an ram sipai thuneituten an ti chingpen niin thu a thang nasa hle a, party hrang hrang pawhin inthlan hi dik leh felfai taka kalpui a nih loh thu an sawi nasa hle a, PM hlui, Nawaz Sharif-a unaupa, Shahbaz Sharif pawhin inthlan a hriat tawh zawng zawnga la felfai lo ber a nih thu a sawi nghe nghe a, India Minister of State, RK Singh pawhin Imran Khan hian sipai hotuten sawi tura an tih bak a sawi a rin loh thu leh, Pakistan sipai berin a firfiaka chetna an dodal duh loh avangin, Imran Khan hian rorel mahse, India tan chuan awmzia a awm chuang dawn lo niin a sawi ve bawk a ni.