Pakistan sorkarin Parliament joint session koh a tum

0
413
views

US President, Donald Trump-a’n mi firfiakte huma enkawl thina Pakistan a puhna leh, hrema a vauna chungchang ngaihtuah turin Pakistan sorkarin Parliament joint session koh a tum nia sawi a ni a, Dawn News sawi danin, PM, Shahid Khaqan Abbasi-a chuan nizan tlai tawh lamah khan Senate-ah thusawiin, hemi chungchang sawiho nan hian Parliament in hnih member-te, a huhova thutkhawmna, joint session koh a nih tur thu a sawi a ni. Abbasi-a chuan, America sorkar thusawi chu a lian hle tih sawiin, Cabinet pawhin Thawhlehni khan darkar thum vel an sawiho niin a sawi a, NSC pawhin darkar li vel an sawiho nia hriat a ni bawk. Senate Chairman, Raza Rabbani chuan US President, Donald Trump-a thusawi leh Pakistan a puhna chhan let dan tur ruahman turin Senate hnuaiah Committee din a nih thu, PM a hrilh a, an hna hi an buaipui mek niin a sawi. He Committee rawtna hi Parliament joint session-a pharha sawi ho ni se, a tul dan anga siam that ni se tih rawt nghal a ni a, PM pawhin hei hi a pawm nia hriat a ni.