Pakistan sorkarin Pervez Musharraf-a venhimna pek dilna hnawl

Pakistan sorkar in President hlui Pervez Musharraf a’n an rama let leh thei tura venhimna pek a dilna a hnawl a, Pervez Musharraf hi ram phatsan thubuaiah Pakistan Court-a inlan tur a ni. Chanchinbu pakhat Daw in a tarlan danin Pakistan Ministry of Defence chuan Dubaia awm mek Pervez Musarraf hi venhimna an pek theih loh tur thu hrilhin, venhimna pek chu an tihtur a ni lo tih a hriattir a ni. Musharraf-a danhremi Akhtar Shah hnena Ministry in lehkha a thawnah hian mimal hnena venhimna pek chu Defence Ministry mawhphurhna a ni loh tih tarlan a ni. Kum 74 mi Army General hlui Pervez Musharraf hi damdawi-a inenkawl phalsak anih hnuah Dubai ah hian nikum a\ang khan a a awm a, kum 2007-a emergency puan avanga court roreltu Judge te an chenna ina hrenbeh thubuaiah leh judge 100 chuang ban tir thubuaiah te ram phatsantua puh a ni. Pakistan chanchinah chuan General zinga ram phatsan thubuai siamsak hmasak ber a ni a, thiam loh chantir a nih chuan dam chhung lung in tang tur emaw, thi tur emawa a chungthu relsak theih a ni ang.