Parliament-a No-Confidence Motion put luh a nih chungchangah Congress-in amah paihthlak bak thiltum an nei lo niin PM Narendra Modi-a’n a sawi.

0
323
views

Pu Modi hian eptu pawl-te’n a kaihhruai sorkar an sawiselna hrang hrang a chhang let a, Pakistan awp Kashmir-a mi firfiak pawlte awmna hmun sipaite’n an beih chungchang an sawi dan chu pawm har a tih thu a sawi a, an duhtawka amah an sawisel remti mahse, India sipai hmuhsitna \awngkam erawh ngaihzam a tum loh thu a sawi a, ram venhimna chungchanga politics rawlh a remtih loh thu a sawi bawk a ni. Frace ram a\anga Rafale indo thlawhna lei chungchangah pawh eptu pawl party te hian thudik an kailek nasa hle niin a sawi bawk a, thudik tawk lo hmanga inpuhchhiat an tum tlat vangin ram pahnihin thu an chhuah a ngai hial tih te a sawi bawk a, Doklam chungchangah pawh India sipaite thusawi aiin China palai thusawi an awih zawk chu ram tana thil pawi tak nia a ngaih thu te leh Congress party chu anmahni bak rin dang nei lo, Election Commission, RBI leh Judiciary thlenga ring lo an nih thu te a sawi bawk a ni.

Rin lawk angin sorkar laipui hian No Confidence Motion hi paltlang a, vote 226 hmuh ngai-ah vote 325 an hmu a ni.