Puan tawh angin eptu lam party-te hian Rafale indo thlawhna inremna chhui chiang turin Parliamentary Committee din an phut a, AIADMK leh TDP-te chuan a hmaa Parliament inkhawm lo neih tawha an thil phut, Cauvery lui tui insem chungchanga thuneitu Board din leh Special Category-a Andhra Pradesh dah an phut thu an aupui chhunzawm zel a ni.
Lok Sabha lamah chuan Law Minister Ravi Shankar Prasad chuan muslim mipa te’n Talaq tih thumal vawi thum sawia an nupuite an \hen theihna dan kalha siam na tur bill a pu lut a, hei hi Congress MP Shashi Tharoor chuan sakhua pakhat beihna bik a nih vangin ram danpui a kalh niin a sawi a ni.
