Parliament inkhawm titawp leh

0
275
views

Cauvery River Management Board din ngiata AIADMK member ten an au bengchhen leh avangin vawiin Parliament in hnih inkhawm tih tawp leh a ni. Inkhawm tihtawp lailawk hnua luhkhawm leh a nih rualin AIADMK member te hi Lok Sabha ah an au bengchheng chhunzawm a, hetihlai hian Congress, Left, Telegu Desam pary, YSR Congress leh eptu party member dangte chuan sorkar rin tawk lohna motion sawiho an phut thu ziakna lehkha te pholangin lungawi lohna an lantir ve bawk a, Congress member Mallikarjun Kharge chuan house member 50 aia tamin sorkar rin tawk lohna motion chu an thlawp nia sawiin, sawiho an phut tih a sawi. Parliamentary Affairs Minister Ananth Kumar chuan sorkar rintawk lohna motion hmachhawn turin sorkar a inpeih tih a sawi thung a, sorkar chuan house chhung leh pawn lamah pawh thlawptu a ngah tawk a ni a ti a, Congress leh eptu member dangte chu tluang taka rorel a nih theihna tura hma la turin ni 15 kalta chhung khan Sorkar chuan ngen mahse, an ti hlawhtling duh lo a ni a ti.