Pathianni-a tlangkang rapthlak takin Guatemala-a thingtlang khua te a chhilh avanga thi zat chu mi 69 an tling tawh

0
396
views

Pathianni-a tlangkang rapthlak takin Guatemala-a thingtlang khua te a chhilh avanga thi zat chu mi 69 an tling tawh a, dam khaw chhuak an awm em tih zawn hna sipaiten an thawhpui.

Tlangkangin a chenna hmun a tih chhiat sak avangin mi sang tam tak chu an awm lailawkna tur hmun buatsaihah an cheng mek a, Tlangkang lama mithiam te chuan he tlangkang rapthlak tak boruaka chirh sa leh meikhu vansang kilometre 10 laia sanga invawrh chhuak hi tun dinhmunah chuan a zuihral zel tih an sawi, tunhnai maiah chuan a kan nawn leh a hlauhawm tawh rih loh tih Guatamala National Institute of Seismology hotupa Eddy Sanchez in a sawi. Tlangkang hian meikhu nasa tak leh vaivut tam tak van sang takah a vawrh chhuah rualin chirh sa lava rapthlak tak a phuh chhuak bawk a, heng chirhsa luang dul dul hian El Rodeo leh San Miguel Los Lotes khua te chu a chim zui a ni.