He buaina hi CAA duhloh lantirtute leh a thlawptute inkara chhuak \an a ni a, Delhi hmarchhak lamah chuan vantlang hmun te nasa taka suasam a nih bakah lirthei te hal a ni a, mipuiten lungin police te an vawm let nasa hle bawk.
Nizan zanlai khan National Security Advisor Ajit Doval chuan buaina chhuahna hmun hi a tlawh a, police hotute a kawm bawk. Doval chuan Seelampur, Jaffrabad, Maujpur leh Gokulpuri Chowk-a dan leh thupek kenkawh dan tur police te a sawipui a ni.
Cabinet Committee on Security chuan CAA vanga buaina chhuak te chinfel dan tur an sawihova, hetah hian Doval chuan thil awmdan leh thil thlen dan a sawifiah a ni. Buaina chhuahna hmuna cheng mipuiten harsatna nasa tak an tawk a, Delhi hmarchhak lama CBSE board exam tur pawh buaina chhuak vang hian sawn hlat a ni a, Delhi sorkar chuan private leh sorkar school te chu khar vek turin a hriattir a ni.
Delhi High Court chuan police te chu hliamte rang taka enkawl an nih theihna tur ruahman turin a hrilh a, Jawaharlal Nehru University leh Jamia Millia Islamia zirlaite chu Chief Minister, Arvind Kejriwal-a chenna bulah an pungkhawm a, tharum thawha buaina chhuaka pawikhawihtute chunga hremna lekkawh turin CM an ngen a, tukin dar 3:30 vel khan Police ten zirlaite chu tui-a phuhin hnawhdarh an tum a ni.
Delhi hmarchhak lamah hian Thawh\anni a\ang khan mipui punkhawm khap a ni a, he khapna hi mipuiten an zawm lem lo va, police te chuan remna leh muanna a awm theih nan curfew puang mai turin thuneitute an ngen a ni.
