TMC MLA hlui, BJP hotu ni mek Arjun Singh-a bial Bhatpara-ah hian Pathianni khan BJP leh TMC worker te an inbei a, bomb te tipuakin Kankinara-a TMC pisa hal a ni a, dawr leh chenna in te pawh tihchhiat a nih bakah TMC candidate Madan Mitra-a motor suasam a ni a, mi 14 an hliam bawk a ni.
Bhatpara-a buaina hi a kian mai rin a nih loh avangin Thawh\anni khan Election Commission chuan Code of Criminal Procedure hnuaia Section 144 hmangin mi 5 aia tam punkhawm a khap a, EC thupuangtu sawidan chuan May ni 27 thleng sorkar laipui sipai 200 velin helai hmun hi vilin an awm chilh dawn a, EVM leh VVPAT dahna strongroom te uluk taka ven a ni dawn a, May 23-a vote chhiar endiktu tur te pawh dah belh an ni bawk a ni.
