Leiminin a chhilh, leihnuaia tang mek mi \henkhatin text message an thawn chhuah an dawng tih police ten an sawi a, leiminna hmun hi Cebu biala thingtlang khaw pahnihah a ni. Philippines hi thlipui Typhoon Mangkhut in a nuai avangin mi 80 chuangin an thih phah a, ruah nasa taka a sur zui avangin leimin vanga chhiatna hi an tuar chhunzawm a ni. Leimin hian tlangpanga chenna in tam tak a hnawl a, chhungkaw 600 chuang chu hmun him lama tawm lailawkna tur buatsaihah awmtir rih an ni. Police hotu Inspector Roderick Gonzales chuan leimin-a tang mi \hahnem tak chhanchhuah an nih tawh thu a sawi a, lei hnuaia la tang mek \henkhatin text message an thawnchhuah an dawn nual bawk avangin nung dama chhanchhuah theih an la awm a beisei thu a sawi.
