Philippines President-in an Police-te chu ruihhlo dona lam buaipui tawh lo turin a ti

0
277
views

Philippines President, Rodrigo Duterte-a’n an Police-te chu ruihhlo dona lam buaipui tawh lo turin a ti a, Police te hnathawh hian sawisel a hlawh nasat avangin, ruihhlo dona lama hmahruai tur hian Drugs Enforcement Agency ruat a ni ta zawk a ni. Police-te chuan, nikuma President thar an neih a\ang khan, ruihhlo dona beihpui an thlakah mi 3,850 an tihlum tawh niin an sawi a, January thla khan President hian Police te chu ei r<k chingah puhin, ruihhlo dona kawnga che tawh lo turin a ti tawh a, mahse a hnu lawkah an hna hi a chhunzawm tir leh a ni. Duterte-a hian a hnathawh avang hian sawisel a hlawh nasa tawh a, ram dangte pawhin an sawisel nasa hle a, September thlaah pawh khan mi sang tam takin kawng an zawh a, Duterte-a thlawptute kawng zawhnaah pawh mi sang tam tak an tel ve tho a ni. Philippine National Police-ten tleirawl, kum 20 hnuai lam pathum an that tih thawm a awm avangin he lungawi lohna hi lantir a ni a, Catholic Kohhran pawhin sorkar thil tih dan hi a sawisel a ni. President, Rodrigo Duterte-a’n an Police-te chu ruihhlo dona lam buaipui tawh lo tura a tih leh t^k avang hian, police 1,200 vel chu hmun dangah chhawr an ni dawn ta niin an hotuten an sawi a, President hnathawh dan hi mi tam takin \ha ti mah se, tun hnaia mipui ngaihdan lakna hnuhnung berah chuan President thlawptute hi thuneihna a chan tirh a\anga an tlem ber lai a ni tih a hriat theih a ni.