Pi Jayalalithaa thihsan bialah AIADMK-in Madhusudhanan candidate dawn

Pi Jayalalithaa-i thihsan, Tamil Nadu-a RK Nagar Assembly bial by-election chuh turin AIADMK-in state Deputy CM, O Panneerselvam kutke pawimawh tak, E Madhusudhanan ruat a ni a, he bialah hian December ni 21-ah vote thlak a ni ang. Madhusudhanan-a hi AIADMK Presidium Chairman a ni a, an pawlin harsatna an tawh vanglai pawha O Panneerselvam thlawp tlattu a ni. AIADMK an phel avanga he party-a pawl pahnihin RK Nagar Assembly bial by-election chuh an tum lai pawh khan O Panneerselvam-a lam chuan an candidate atan Madhusudhanan-a hi an ruat a, Sasikala-i lamin TTV Dhinakaran an ruat bawk a, mahse kha inthlan kaihhnawiha vote leina tur nia ngaih, sum tam tak man a nih avang khan \hulh a ni ta a, tunah pawh hian he mite bawk hi candidate tur an ni leh a, Dhinakaran-a hi chu AIADMK candidate a ni thei dawn ta lo a, eptu pawl, DMK pawhin April thlaa inthlan buatsaih dawna an thlan, M Maruthu Ganesh-a bawk an dah leh dawn a ni.