Larsap chuan state sorkar chet lak dan chu hotute laka dan bawhchhiatna a ni a ti a, an thil tihdan chu a dik lo a ni lova, Supreme Court-a kal turin dikna chanvo an nei pawh a ni thei a, amaherawhchu, thuneitute rawn lova sorkarin a thutlukna a siam leh amah rawn lova thil an kalpui chu a dik lo a ni a ti a, amah chu rawn phawt sela, a hnen a\angin phalna la se a duh tih a sawi.
Arif Mohhamad Khan chuan Kerala sorkarin Larsap phalna la lovin thil an ti thei em tih chu a enzui tur thu sawiin, state hotulu-in chanchinbu katlanga sorkar thil tihdan a hre ve chauh chu mak a tih thu a sawi bawk.
Kerala sorkarin CAA Supreme Court-a a khinnaah chuan ram danpui articles hrang hrang kalh a ni a ti a, chung zingah chuan intluktlanna bawhchhiatna pawh a tel a ni a ti a, ram danpuia secularism thurin bulpui a kalh bawk a ni a ti. Parliament-a CAA pawm a nih hnuah Kerala chu ram puma CAA court-a dodaltu sorkar hmasa ber a ni.
