PM Modi-a’n Martar-te Ni pualin mipuite chibai buk

0
262
views

Martar-te Ni pualin PM Narendra Modi-a’n ram mipuite leh ram tana nun hlante chibai a buk. Pu Modi chuan Bhagat Singh leh a thurualpui mi pahnih, Sukhdev Thapar leh Shivaram Rajguru-te chu midangte’n zahawm leh zalen taka an awm theihna atana nun hlantu an ni a ti a, India ram leilung fa an ni chu ram mipuite tan pawh inchhuanna tlak a nih thu a sawi bawk. Bhagat Singh leh a thurualpui-te hi India rama British rorelna nasa taka dodaltute zing ami an ni a, Simon Commission dodala pungkhawmte leh Lala Lajpat Rai kutthlak tura thu petu, Police Superintendent James Scott laka phuba lak an tum \umin, police officer dang pakhat, John Saunders chu amah emaw tiin an that a, thuneitute tihralkhelh nan Delhi-a Central Legislative Assembly tualah bomb an tipuak zui bawk a, police-ten an man hnu-ah, March ni 23, 1931 khan khaihlum an ni ta a ni.