Pope-in Myanmar tlawh, a thusawi dan turin ngaihven hlawh

0
406
views

Roman Catholic kohhran hotu lu ber, Pope Francis-a’n ni thum cham turin Myanmar a thleng a, Pope zinga Myanmar tlawh hmasa ber a ni. Pope Francis hian Myanmar sorkar hotu, Aung San Suu Kyi leh sipai hotute a kawm dawn a, Rohingya Muslim-te chungchanga a thusawi dan turin ngaihven a hlawh hle a, Rohingya mite hi Myanmar sorkar chuan Bangladesh a\anga dan lo-a an rama lut, Bengali tia a sawi \hin bakah, Rohingya tih \awngkam hman hi a duh ngai lo a ni. Pople Francis hian Rakhine biala inbeihna thleng hi a dem thu, \um thum a lo sawi tawh a, Rohingya unaute tia a sawi \hin avangin, Myanmar Cardinal chuan a zin chhung chuan he \awngkam hi hmang lo turin thurawn a pe a, Pope pawhin a ngai pawimawh hle tih Vatican thupuangtu chuan a sawi. Myanmar ramah hian Kristian an tlem hle a, za zela pakhat emaw chauh an ni a, heti chung hian Yangon khawpuia Pope Francis lo hmuaktute hi an \hahnem hle a, Rakhine buaina chhuah hma, kumin May thla khan Pi Suu Kyi chuan Pope hi an ram tlawh tur hian a lo sawm tawh a ni. Pope Francis hian Ningani hian Bangladesh a pan leh dawn a, Rohingya raltlante pawh a tlawh beisei a ni. Kum 80 mi, Pope Francis hian khawvel puma thil dik lote demin a sawisel fo a, mahse \awngkam hriam lutuk a hmang ngai lo a ni. Yangon-a a cham chhung hian Pope hi Yangon Archbishop, Cardinal Charles Maung Bo-a inah a thleng ang a, sorkar inah a thleng dawn lo a ni. Pope hi Bangladesh tlawhtu, Pope hmasa ber a ni leh dawn a ni.