President hlui Pranab Mukherjiee a’n RSS hmunpui-a zanina thusawi tura Nagpur-a pan chu a awmna congress party in a ngaimawh hle

0
363
views

President hlui Pranab Mukherjiee a’n RSS hmunpui-a zanina thusawi tura Nagpur-a pan chu a awmna congress party in a ngaimawh hle. Kum 50 vel zet a lo awm tawhna Congress party chuan Pranab-a’n RSS volunteer te hmaa thusawi a tum hi an ngaithiam lo hle a, RSS lam chuan Pranab Mukherjee chu politician puitling leh tawnhriat ngah a nih vanga thusawi tur anih thu an sawi thung. Congress hruaitu pawimawh zinga mi Ahmed Patel chuan hetianga che turah hian Pranab Mukherjee chu a lo beisei phak ngai lo tih tweeter ah a ziak nghal a, amah Pranab-a fanu congress hruaitu zinga mi Sharmishtha Mukherjee ngei pawhin hetianga apa in Nagpur-a RSS volunteer te hmaa thu a sawi tur hian congress tan ham\hatna a thlen ngei dawn nia a ngaih thu a sawi bawk. Pranab Mukherjee hi kum 2012-2017 chhungin President a ni a, Nagpur a thlenin, RSS hotupa Mohan Bhagwat nen chaw an eidun nia sawi a ni.