President Ram Nath Kovind a’n naupang kum 12 chin hnuailam pawngsualtute thi tura hrem theihna tur Ordinance a pawm

0
206
views

President Ram Nath Kovind a’n naupang kum 12 chin hnuailam pawngsualtute thi tura hrem theihna tur Ordinance a pawm.

Union Cabinet chuan Inrinni khan naupang kum 12 chin hnuai lam pawngsualtu, thiam loh chantirte thi tur hrem theihna tur Criminal Law (Amendment) ordinance 2018 hi a lo pawm tawh a ni. Dan thar hnuaiah hian kum tling lo pawngsualtute thubuai ngaihtuahtu tur bik, Fast Track Court din a ni ang a, pawngsual tawkte endikna tur forensic kit pawh Police station leh hospital ah te dah vek a la ni ang.

Kum 16 chin leh 12 chin hnuai lam pawngsualtute hremna na zawk siam a ni a, kum 12 chin hnuailam pawngsualtute hremna pek theih nep ber chu kum 20 lungin tan tir a ni ang a, dam chhung lungin tan tir emaw, thi tura an chungthu rel sak emaw theih a ni tawh ang a, dam chhung tih hi pawngsualtu thih ni thleng tihna a ni tawh dawn a ni. Kum 16 chin hnuai lam pawngsualtu hremna nep ber kum 10 lung in tantir tih ni \hin chu kum 20 ah tih pun a ni a, dam chhung tan tir thlenga pawhsei theih a ni ang a, dam chhung tih hi pawngsualtu thih ni thleng a ni tawh dawn bawk. Kum tling chin tawh pawngsualtute hremna nep ber, rim taka hnathawka kum 7 tantir tih ni \hin pawh kum 10 ah tih pun a ni a, dam chhung tan tir thlenga pawhsei theih a ni ang. Pawngsual thubuai reng reng thla 2 chhunga ngaihtuah fel vek tawh tur a ni dawn a, kum 16 chin hnuailam pawngsualtu emaw pawngsual rawntu zinga mi emaw chu anticipatory bail phalsak an ni tawh dawn lo bawk. Ordinance hmanga dan siam\hat tak ang hian Indian Penal Code (IPC), Evidence Act, Code of Criminal Procedure (CrPC) leh Protection of Children from Sexual Offences (POCSO) Act te chu siam\hat ve nghal a ni ang.