President Trump-a che mawi lova puhtuten dawn an sawi niin White House-in sawi

President Donald Trump-a pawh hmeichhe engemawzatin an laka che mawi lovah an puh bawk a, White House chuan hetianga puhtu, hmeichhiate hian thu dik lo an sawi vek niin a sawi. White House Press Secretary, Sarah Huckabee Sanders chuan, mi pawimawh leh mi lar, dinhmun sang luahtu leh thuneihna sang tak neite hian dik lo taka puh chhiat an t^wk ta fo nia sawiin, hetiang puhna t^wkte zingah hian journalist, Mark Halperin pawh a tel a, tun kar tir lamah khan a thawhpui hlui, hmeichhe \henkhatin hetiang hian an puh niin a sawi. CBS News aiawh, Jacqueline Alemany chuan hemi chungchang hi White House Press Secretary hi a zawt a, President Trump-a hi hmeichhe 16 laiin, President thlanna atana campaign lai khan Trump-a hi a che mawi lo niin an sawi a, kar kal ta khan Rose Garden-a thuthar lakhawmtute a kawmnaah President chuan hengte hi thu dik lo vek niin a sawi. Rose Garden news conference-ah khan Alemany hian, Trump-a TV show-a inlan ve dil hmeichhe pakhat, Summer Zervos-i’n amah fawp luiah leh, a hnute khawihah Trump-a hi a puh thu a sawi a, Trump-a chuan hei hi phuahchawp, thu dik lo leh zahpuiawm tak nia sawiin, hetianga dik lo taka inpuhna hi politics khawvelah a thleng fo niin a sawi a ni.