Prime Minister Narendra Modi-a sorkar kum 4-a upa chuan naktuk hian thlawptu a ngah tawk em tih fiahna a hmachhawn dawn a, hei hi tun sorkar dinglaia sorkar rin tawk lohna, no confidence motion hmasa ber tur a ni

0
358
views

Party hrang hrang te state inthlanna hmachhawn tur leh nakuma Lok Sabha inthlanpui hmachhawn tura an inbuatsaih chhoh mek laiin sorkar rin tawk lohna motion hi ngaihtuah a ni dawn a, BJP chuan member ngah tawk mahse, sorkar fiahnaah an member zawng zawng an kim vek theihna turin \an a la mek a, chaw chhun an kilho bakah zanriah pawh an kilho leh dawn a ni. An member te bakah hian BJP hotute chuan party dang MP te pawh sorkar thlawp tur hian an sawm kual a, AIADMK leh Telangana Rastra Samiti te chuan sorkar an thlawp ngei dawn niin an sawi a, Shiv Sena pawhin a thlawp dawn niin an sawi bawk. Shiv Sena hotupa Uddav Thackeray chu BJP President Amit Shah a’n telephone hmangin a bia a ni. Member 535 awmna Lok Sabha ah hian BJP leh a thawhpuite hian member 315 an nei a, sorkar siam theihna khawp member neih ngai zat 268 chu an khum hneh hle a ni.