Prime Minister Narendra Modi a’n Karnataka Assembly inthlanpui atan campaign beihpui thlak tan

0
359
views

Prime Minister Narendra Modi a’n Karnataka Assembly inthlanpui atana vawiin a\ang khan campaign beihpui a thlak \an a, Congress President Rahul Gandhi na takin a bei. BJP in Chief Minister atana an hual lawk, BS Yeddyurappa pawh Prime Minister Campaign naah hian a tel a, Congress in eiruk thubuaiah BS Yaddyurappa hi an beih nasat avangin Prime Minister Campaign naah hian a inlan dawn lo nia sawi a awm a ni. Campaign hi Congress bukna hmun Santhemarahalli ah a \an a ni. India chhim lama congress in rorelna an la channa awm chhun-ah hian BJP chuan hnehna chan leh ngei tumin campaign beihpui hi an thlak mek a ni. Prime Minister chuan Karnataka ah BJP boruak a lian chak hle tih midang sawi a lo hriat chu a dik a ni tih amah ngeiin a hmu niin a sawi a, Sorkar in khua zawng zawngah electric eng a pe tawh tih a puan, sawi zui hlawh tak chungchangah Prime Minister chuan kum 70 chhung khan Congress hian engvanginnge an lo tihhlawhtlin daih tawh loh tih a zawt a, Sonia Gandhi kaihhruai Manmohan Sing-a sorkar khan kum 2009-ah khua zawng zawng electric eng pek vek an tiam a, an thlen chin chu mipuiin an hria a ni a ti. Prime Minister chuan BJP chu a taka hnthawk thin party a ni a ti a, Karnataka Congress sorkar dinglai pawh beiin, BJP in sorkarna a chan veleh Lokayukta din thar leh a ni ang a, Chief Minister leh a \huihhruaite eirua puhna zawng zawng pawh a thara chhui \hat leh a ni ang a ti. Prime minister bakah hian BJP President Amid Shah leh Uttar Pradesh Chief Minister Yogi Adityanath te chuan Karnataka ah hian hmun 60 ah campaign beihpui an thlak chho dawn a ni.