Prime Minister Narendra Modi-a’n Thawhlehni-a cheng vaibelchhe nuai 20 senna tur India ram sum leh pai dinhmun chawikanna tur ruahmanna a puan, special economic package kalpui dan tur Finance Minister in a puang chhunzawm zel.

0
38
views

Union Finance & Corporate Affairs Minister Nirmala Sitharaman-i chuan cheng vbc nuai 20 hmanga hmalak dan tur hi chanchinbumite hmaah a puang chhunzawm zel a, vawiin tlaia chanchinbumite a kawm kha a vawi 4-na a ni a, hmasawnna ruhrel tih changtlunna kawnga hmalak dan turte a puang a ni. Finance Minister hian Agriculture, Fisheries leh eitur sawngbawlna lam thuam chak dan tur pawh a lo puang tawh a, NABARD kaltlangin loneitute chhawmdawlna atan Emergency Working Capital facility cheng vaibelchhe 30,000 dah belh a nih thu te, loneitute tan Kisan Credit Card Scheme hnuaiah cheng vaibelchhe nuai 2 ruahman a nih thu te, Dairy cooperative-te tan sum puk, a pung rulh tur kum khata 2% a tihhniamna tur scheme thar duan a nih thu te, Loneitute tharchhuah hralhna hmun tihchangtlunna atan Agri Infrastructure Fund cheng vaibelchhe nuai 1 ruahman a nih thu te, Micro Food Enterprises (MFE) dinna tur cheng vaibelchhe sing 1 dah a nih thute leh sumdawnna leh thil siamna tenau zawkte chawikanna tur ruahmanna te a lo puang chhuak tawh a ni.