Prime Minister, Narendra Modi-a’n zanin dar 8-ah mipuite thuchah a sawi leh dawn.

0
73
views

Nimin tlai khan darkar 6 chhung state tin Chief Minister te Prime Minister hian a kawm a, tun thla ni 17-a inkharkhip tawp tur chungchang sawipuiin, inkhuahkhirhna thlahdul deuh chunga inkharkhip chhunzawm zel chu \haa an hriat thu an sawi a ni.

Modi chuan inkharkhip thawh khatnaa khuahkhirhna hman ang kha a thawh hnihnaa hman a ngai tawh lo ang bawkin a thawh thumnaa inkhuahkhirh dan pawh inkharkhip thawh lina-ah chuan hman zui zel a pawimawh tawh lo tih a sawi a, inkhuahkhirhna zan lama curfew neih leh vantlang zin veivahna lirthei tlan khap te erawh coronavirus kai awm tamna Red Zone-ah te chuan hman chhunzawm zel \ha an tih thu CM te chuan an sawi a, Modi chuan state tin te chu tuna dan hmanlaiah thlak tur an neih chuan an rawtna chu tun thla ni 15, karleh Zirtawpni khian thawn turin a hrilh a ni.