Princeton University zirchian danin nipui khawlum chho zelin coronavirus hri leng mekah awmze nei thamin nghawng a neih hmel loh.

0
70
views

Thla liamta a zirchianna chi hrang hrang an lo neih tawhah khan sik leh sa leh COVID-19 hian inkungkaihna chhete a nei tih an lo hmuchhuak tawh a, khua a lum leh a uap poh leh hri hi darh chak lo tura ngaih a ni a. Hetihlai hian an zirchianna hi a bul tanna mai a la nih avangin, sik leh sa leh COVID-19 in kungkaih dan tak hi hriat thui tur a la awm lo thung.

Princeton Environmental Institute(PEI), a postodoctoral research associate, Rachel Baker chuan an thil hmuhchhuah atangin inkhuahkhirna tel lo chuan khawlum leh nipui lo thleng tur chuan hri darh mekah nghawng a nei lutuk dawn lo a ni a ti.

Sik leh sa a bik takin khaw uap in coronavirus chi dangah te nghawng nei mahse, Covid-19 bikah chuan mihring taksa-ah a do let theihna chak tawk a la insiam loh avangin boruak inthlak pawhiin awmzia a nei lutuk dawn lo a ni.

Baker chuan sik leh sa in a tlangpuiin hri len tan hun leh a darh danah nghawng a nei tih an hmu tih a sawi a, mahse mipui inkai chhawn theihna a tam em avangin engang pawn sik leh sa chu danglam mahse, hri hi a darh chak tho hmel a ni a ti a, tun dinhmunah sik leh sa hian hri len dan hi a thunun lem lo a ni a ti a, Brazil, Ecuador leh Australia ah te chuan khawlumin tlemin hrileng a ti ziaawm deuh tih an hmuh thu a sawi bawk.