Rahul Gandhi hian congress party in president thar tur engmah ti khawtlai lova rang taka an thlan chhuah a ngai tih chanchinbumite hmaah a sawi a, banna a thehluh tawh avangin president thar tur thlang tura ruahmanna siamnaah pawh a inrawlh lo tih a sawi a, congress president a nih tawh loh thu a sawi a ni.
Rahul Gandhi banna thehluh hi party hruaituten pawm lovin, hnuklet turin nasa takin an nawr a, hetih lai hian a thu hi hnuhlet a tum lo tih a sawi chiang ta a, Rahul Gandhi hian Congress Working Committee in hruaitu thar thlang tur hian \hutkhawm a koh vat a ngai a ni a ti a, hemi hmalam pawh hian hruaitu thar thlan dan tur thuah engahmah inrawlh a tum loh thu a lo sawi tawh a ni.
Lok Sabha inthlanpuia hnehna an chan zawh loh avangin Rahul Gandhi hian May ni 25 khan president a\anga a ban thu hi a puang a, seat 543 awmna Lok Sabha-ah Congress hian seat 52 chiah a la phak a ni. An chak loh chhanah mawh la in Rahul Gandhi hian a bang tih a puang a, hemi rual hian party hruaitu lawk zual \henkhat chuan party aiin anmahni ham\hatna tur an ngaihtuah zawk tih a sawi bawk.
Rahul Gandhi a ban avang hian ram chhung hmun hrang hranga congress hruaitute pawhin banna an thehlut a ni.
President thar thlang tur hian Congress Working Committee chu an \hukhawm thuai dawn nia hriat a ni.
