Rahul Gandhi, Congress President ni ta

0
599
views

Rahul Gandhi-a chu Congress President a ni ta a, he mawhphurhna, kum 19 chhung lo chelh tawh, Pi Sonia Gandhi a thlak ta a ni. An party hmunpui, New Delhi-a 24 Akbar Road kawt zawla inkhawm buatsaihah kum 47 mi, Rahul Gandhi chu Congress Central Election Authority Chairman, Mullappally Ramachandran-a’n party President atana thlan tlin a nihna certificate a hlan a, he inkhawmah hian a nu Sonia Gandhi, a farnu, Priyanka Gandhi Vadra te nupa leh PM hlui, Manmohan Singh pawh an tel a, party mi \hahnem tak an kal khawm a ni. Rahul Gandhi-a hi Nehru-Gandhi chhungkua a\anga Congress President 5-na a ni a, tun hnaia party President thlanna chuhtu awm chhun a nih avangin, chuh lohin a tling a ni. Congress President thar chuan, an party-in India ram chu kum zabi 21-naa a hruai kai hnuah, PM, Narendra Modi-a’n hman lai hunah ram chu a hruai kir leh niin a sawi a, ram chhunga mi \henkhat chu an nihna avang ringawtin thah an ni a, an sakhua avangin sawisel an ni a, an sa ei avangin thah an ni bawk niin a sawi. Ram dang nena inlaichinna lam policy pawh sorkar ding lai hnuaiah a buai vek nia sawiin Rahul Gandhi chuan, hruaitu pakhat ringawt kutah engkim a awm niin a sawi a, BJP hian inhuatna leh intih bingna chi an theh darh mek a, darhna thlentu an ni a, Congress erawh chu ram tipumkhattu a ni thung a, BJP-in inhuatna mei an dep kai a, Congress-in a \helh zel a, an tihchah te chu Congress-in a zawm \ha leh zel niin a sawi bawk. Heti chung hian BJP mite chu an unau-ah an la ngai tho tih sawiin Rahul Gandhi chuan, kum 132 ding tawh, Congress chu mi tin tel theihna party niin a sawi a ni.

Kum 19 chhung, he party kaihruaitu, Sonia Gandhi pawhin thusawiin, kum 20 dawn lai kal taa party President mawhphurhna a chelh \an lai khan, thu a sawi pawhin a kut a khur nasa hle a, hnathawh dan tur pawh hre lovin, bangbo takin party hruaitu hna chu a chelh niin a sawi a, Rahul Gandhi chu a fapa a nih avangin a tan fak lutuk rem lo mah se, a hun kal tawhah, hun harsa tak takah pawh mi hlauhawm leh thiltithei tak tak a lo hmachhawn tawh a, mimala sawi chhiatna tam tak a tawk bawk a, mahse a hlau ngai lo a, a chak phah zawk a ni, a ti a, tharum thawhna avangin chhungkuaah pawh chhiatna rapthlak tak tak an t^wk tawh tih sawiin, hengte pawh hi Rahul-a hian chhuanawm takin a lo pal tlang a, a buai ngai lo niin a nu, kum 71 mi chuan a sawi a, a nu-in thu a sawi zawhah hian Rahul Gandhi-a chuan a biangah a fawp a ni. Pi Gandhi-i’n thu a sawi lai hian Rahul-a kaisan lawmna halpuah thawm a nasat avangin a thusawi pawh a titawp zauh zauh a ni.

Sonia Gandhi chuan, ka nu, Indira khan India hnam nunphung leh ziarangte min zirtir \hin a, a thihna kha ka tan thil rapthlak leh ka nun tidanglamtu a nih avangin, ka pasal leh ka fate chu politics-a an tel loh ka duh a, chuti chung chuan ka pasal chu PM a nih a lo \ul ta a, mahse ani pawh chu tihhlum a lo ni leh tak avangin thlawptu leh thlavang hauhtu pawh ka nei ta lo a, a tawpah chuan politics-ah chuan ka duh lo chung, ka tel a lo \ul ta zel a ni, a ti a, a thusawi hian ngaithlatute rilru a khawih hle a ni.

Rahul Gandhi-a’n party hruaitu nihna a chelh a\anga ni hnih emaw chauhah, Congress hian inthlana chak lohna pahnih a hmachhawn nghal dawn nia tarlan a ni a, exit poll-a a lan danin, kum 22 chhung BJP rorel tawhna, Gujarat-ah BJP bawk an chak b^kah, Congress rorelna, Himachal Pradesh pawh BJP lakah hian an hloh dawn nia tarlan a ni a, heng state pahniha Assembly inthlana vote tlate hi naktip, Thawh\anni khian chhiar a ni ang. Gujarat inthlanah hian Rahul Gandhi hi Congress hmahruaitu ber a ni a, PM, Narendra Modi-a state a nih avangin theihtawp pawh a chhuah zual nia ngaih a ni. Kum 2013-a party Vice President a nih a\angin Congress hian state 9 an hloh tawh a, Bihar telin state pathumah an chak tawh thung a, Bihar-ah hian JD(U), Nitish Kumar-a kaihhruai an thawhpui a ni. Tunah hian Congress hian state 5-ah ro an rel a, BJP-in state 14-ah thuneihna an chang thung a, kum 2019 Lok Sabha inthlanpui neih hmain state 16-ah Assembly inthlan a awm dawn avangin, Congress hruaitu thar hian hna a ngah hle dawn a ni.