Railways-in June ni 30 thlenga rel ticket a hralh chhuah zawng zawng a cancel.

0
39
views

Ticket cancel zingah hian mail, express leh khawpui tenaua service zawng zawng a tel a, ticket lei tawhte hnenah an senso a bikimin pek vek a tum tih Railways chuan a sawi. Heng ticket cancel hi inkharkhip hmaa ticket hralh chhuah te a ni.

Thla hlui khan Railways chuan ticket nuai 94 a hralh a\angin cheng vbc 1,490 ticket leitute hnenah a pe let tawh a, inkharkhip thawh khatna hman a nih khan March ni 22 leh April ni 14 inkara zin tum, rel ticket leitute hnenah cheng vbc 830 a pe let tawh bawk a ni.

Coronavirus leng vanga ram puma inkharkhip hman hma March ni 22 a\ang khan bungraw phur rel tih loh, khualzin phurtu rel zawng zawng chu chawlh lailawk tir vek a ni a, tun thla ni 17-a inkharkhip pawhsei a nih khan rel ticket a hralh chhuah tur zawng zawng chu a titawp vek a ni.

Hemi hmalam hian sorkar laipuiin nunphung pangngaia bul \an tuma hma a lakna leh ram chhung sum dehchhuah kawnga hmasawnna turin Railways chuan khualzin phur rel tlan \an tir a tum thu a puang a ni.

Inkharkhip hma khan Railways chuan nitin rel 12,000 a tlan tir \hin a, cheng vbc 28,032 hu bungrua phur kualin, khualzinte chuan man a\angin cheng vbc 12,844.37 a la lut \hin a ni.