Rajasthan-a Bahujan Samaj Party MLA 6 ten sorkar lai Congress party an zawm.

0
355
views

Mayawati-i party, BSP MLA 6 te hi Rajendra Gudd, Jogendra Singh Awana, Wajib Ali, Lakhan Singh Meena, Sandeep Yadav leh Deepchand Kheria te an ni a, November thlaa tualchhung inthlanna neih tur thlirin Congress-ah hian an lut nia sawi a ni.

MLA te hian Chief Minister, Ashok Gehlot bia-in, Assembly Speaker CP Joshi an hmu bawk a, Congress zawm tura thutlukna an siam lehkhaa ziak an pe a ni.

BSP MLA te chuan chi leh chi inkara innawrna thleng \hin do tur te, State hmasawnna tur atan leh sorkar lai nghet taka a din theih nan Congress party an zawm niin an sawi a, Ashok Gehlot chu Chief Minister \ha ber a nih thu leh Rajasthan tan a ni aia \ha midang an awm loh thu an sawi a ni.

Nikuma Rajasthan-a inthlannaah khan Congress-in seat 100 la-in hnehna an chang a, sorkar lai BJP-in seat 72 chauh an lak vangin Congress-in sorkarna a chang ta a ni.