Rajasthan-ah hian Lok Sabha inthlanah khan congress party in seat pakhat mah a la zo lo a, tun \uma thingtlang kilkhawr a tlawh chhuah mekah hian Sachin pilot hi mi naran te inah thlengin an zingah chaw te eiin, a nitin nun dan angin a chen chilh a ni. A tlawh khua, Jalore, Sirohi leh Pali te hi khaw changkang lo ber zinga mi an ni a, Rajasthan Congress hotu Sachin pilot-a hian mipuite nena inzawmna \ha neih tumin heng thingtlang khuate hi a tlawh chhuak a ni.
Lok Sabha inthlana an chet chhiat avangin Sachin Pilot-a leh Chief Minister Ashok Gehlot te inkar hi a khi zual nia sawi a ni a, Sachin Pilot hi Deputy Chief minister a ni a, party mi te zingah Chief Minister atana duhtu an tam hle nia sawi a ni. December thla maia Assembly inthlanpuiah Congress hian sorkarna siam mahse, Lok Sabha inthlanpuiah erawh bial awm zawng zawng an hloh fai vek a, BJP chuan vote zaa 50 a hui phak a, Chief Minister Ashok Ghelot chu a fapa tana campaign chauh ngaihtuahah leh bial dang ngaihthahah party mi ten an puh a ni.
Sachin Pilot hian Rajasthan congress president a nih anga thingtlang mite hi tlawh chhuak a nih thu a sawi a, mipuite nen inzawmna \ha zawk nei leh thei turin congress party chuan hma a lak a \ul a ni a ti.
