Rakhine state-ah Rohingya Muslim hel pawlte’n chenna in eng emaw zat an hal leh: Min Aung Hlaing

0
406
views

Myanmar sipai hotu, Min Aung Hlaing-a’n Rakhine state-ah Rohingya Muslim hel pawlte’n chenna in eng emaw zat an hal leh niin vawiin khan a sawi a, hei hi Myanmar chhuahsan zel tura Muslim mite an nawrna niin a sawi bawk. Rohingya muslim 5,00,000 velin chawlhkar ruk lek chhungin an chenna hmun an tlansan tawh nia chhinchhiah mek a ni a, tuna thil thleng avang hian raltlan zat hi an pun leh rin a ni. Bangladesh sorkar chuan ramri kana raltlan hi ni tin, mi 4,000 a\anga 5,000 inkar an chhinchhiah ziah niin a lo sawi tawh a, ramri hrulah mi 10,000 vel tangkhang an la awm mek niin a sawi bawk. Aung Hlaing chuan vawiina pawi khawihtute hi Arakan Rohingya Salvation Army te nia an hriat thu leh, zing dar 2:30 vel khan khaw hrang hrangah kang\helh turin an sipaite an tir chhuak niin a sawi bawk.