Ram chhunga coronavirus kai awm tamna ber Mumbai-ah Pathianni-a inkharkhip tawp tur chu pawhsei a ni dawn.

0
38
views

Mumbai-ah hian Ningani khan coronavirus kai 1,000 vel hmuh belh an ni a, hri kai zawng zawng chu mi 16,500 an tling tawh a ni.

Maharashtra Industry Minister, Subhash Desai chuan Chief Minister Uddhav Thackeray-a kawmin Mumbai khawpui leh an state chhunga district khawpui danga inkharkhip pawhsei dan tur a sawipui a, Mumbai, Thane, Pune, Malegaon leh Aurangbad-ah te chuan inkharkhip pawhsei \ul an tih thu an sawi a, sorkar chuan mipuite hriselna dinhmun chu a ngaihpawimawh hmasak ber a ni a, hetihrual hian an state sum dehchhuah leh industry-a thilsiamte pawh an ngaihven reng tho tih Minister hian a sawi a, Mumbai tan special economic package pe turin sorkar laipui an ngen tih a sawi bawk.

Minister chuan Maharasthra-ah hian an state sum dehchhuah tuai thar leh turin hmalak dan tur major SOP a ruahman tih a sawi a, hnathawktute an state lama an haw nasat avangin sum dehchhuahah harsatna an tawk tih a sawi.