Ram chhunga sumdawnna khawpui lian ber, Mumbai chu coronavirus kai awm tamna ber leh inkaidarh tamna ber hmun a ni chho zel a, quarantine facility indaih lo tur phuhruk nan khawpui chhunga hmun pawimawh leh hmingthang tak takte chu quarantine facility atan hman a ni.

0
54
views

Inkhunghranna tura atana dah zingah damdawi in sak lai mek te, US consulate building te, Citigroup Inc. te, nature park leh planetarium te pawh a tel a, heng zawng zawngte nen hian tun dinhmunah quarantine facility-a khum awm zawng zawng chu nuai 1 a tling tawh a ni.

Mumbai Municipal Corporation Additional Comissioner Ashiwini Bhide chuan an tum ber chu hri kai mi sing 7 sang 5 vel tal khunghran-a enkawl thei tura inbuatsaih a ni a ti a, an hmalakna hi tun thla tawp lam chuan an zawhfel hman theih a rinawm loh a, amaherawhchu theihtawp an chhuah zel dawn tih a sawi.

Maharasthra Chief Minister, Uddhav Thackeray chuan inkharkhip thlahdul a ni dawn lo tih a puang a, inkharkhip chhunga khuahkhirhna thlahdul a nih chuan coronavirus chu hmun tinah a \aidarh thei tih sawiin, chu chu Maharashtra-ah a thlen loh nan khauh zawka kal zel a \ul a ni a ti.

Maharashtra-ah hian tun dinhmunah case sing 3, sang 5 chuang awm tawh a, nimin khan case thar 2,033 hmuhbelh a ni.