Ram chhungah coronavirus kai mi sing 5, sang 6, 342 an awm tling tawh a, mi 1,886-in an thihpui tawh laiin mi sing 1, sang 6, 540 enkawl dam an ni tawh.

0
11
views

Hmarchhak state-ah Tripura chu hri kai awm tamna ber an ni chho a, tun dinmunah mi 86 enkawl mek an ni a, mi 2 enkawl dam tawh a ni. Tripura ah hian BSF 86th Battalion sipai 24 in coronavirus hi an kai tih hmuh chhuah leh a ni a, hemi hmalam hian 138 battalion-a sipai 62 in an kai tih hmuhchhuah a lo ni tawh a ni.

Assam-ah chuan kai mi 54 zingah mi 34 enkawl damin mi 1 a thi a, mi 19 enkawl mek an ni a, Meghalaya chuan enkawl lai 1 an la nei a, mi 10 an dam tawh a, Manipur-a mi pahnih kaite chu dam ve ve tawhin, Arunachal coronavirus kai mi pakhat chu enkawl dam a ni tawh bawk.

Maharashtra-ah pawh coronavirus kai an pun belh zel a, hetihrual hian enkawl dam engemawzat an awm mek zel a, mi sing 1, sang 7, 974 kai zingah mi sing 1, sang 3, 979 enkawl lai an awm a ni. Gujarat chuan Delhi khumin mi sang 7,012 hri kai an awm tawh a, mi 425 an thi a, mi 1,709 enkawl dam an ni a, mi sang 4,878 enkawl mek an ni a, Delhi-ah chuan mi sang 5,980 zingah mi 66 an thi a, mi sang 1,931 an dam a, enkawl lai sang 3,983 an awm mek a ni.