Ram chhungah darkar 24 chhungin mi 9,887 coronavirus kai thar an awm a, hei hi coronavirus kai an tam ber \um a ni.

0
102
views

Hri kai dam chhuak pawh nimin khan nidang aiin a tlahniam a, zaa 48.20 a\angin zaa 48.27-ah a tlahniam a ni. Darkar 24 chhungin mi 294 an thi a, thihpui tawh zawng zawng chu mi 6,642 an tling tawh a ni. Ram chhungah coronavirus kai mi nuai 2 chuang an awm tawh a, khawvel pumah hri kai awm tam lamah India ram chu parukna a ni tawh a, Italy a khum tawh a ni.

Delhi-ah chuan coronavirus kai damlote dahna tur khum ruak 5,000 vel a la awm tih Aam Aadmi Party sorkar chuan a sawi a, Delhi ah hian nimin khan hrileng kai hmuh chhuah thar mi 1330 an awm a, hengte nen hian mi 26,000 hrileng kai an awm tawh a, thihpui mi 708 an tling tawh a ni.

Sorkar laipui chuan Ningani khan shopping malls, restaurants, hotel leh sakhaw biakna hmunte a tahtawla hawn chhoh dan tur a ruahman a, hrileng tamna hmun, containment zone ah te erawh heng hmunte hi khar chhunzawm a la ni ang.